• Асоба, якая падае хадайніцтва, звяртаецца ў візавы цэнтр з падрыхтаваным камплектам дакументаў у папярэдне ўзгоднены дзень з 09:00 да 17:00.

• Для падачы дакументаў заяўніку неабходна ўзяць талон у тэрмінале электроннай чаргі, пасля выкліку прайсці да акна прыёму дакументаў, дзе супрацоўнік візавага цэнтра:

• праверыць на адпаведнасць патрабаванням Пасольства і прыме на апрацоўку Ваш пакет дакументаў;

• у выпадку неабходнасці здзейсніць працэдуру прыёму біяметрычных дадзеных (зняцце адбіткаў пальцаў);

• у выпадку неабходнасці прапануе Вам скарыстацца дадатковымі паслугамі візавага цэнтра:

• запаўненне анкеты;

• фотапаслугі;

• ксеракопія;

• афармленне поліса медыцынскага страхавання.

З 23 чэрвеня 2015 года падчас падачы заявы на атрыманне Шэнгенскай візы ажыццяўляецца збор біяметрычных дадзеных (адбіткі пальцаў). Асобы пачынаючы з 12 гадоў падчас падачы дакументаў на візу ў Пасольстве альбо ў Візавым цэнтры павінны прысутнічаць асабіста.

Дакументы ад дзяцей, маладзей за 18 гадоў, могуць падаваць бацькі або законныя прадстаўнікі (пры наяўнасці дакумента, які пацвярджае сваяцтва/апякунства).

• Заяўнік асабіста.

• Атрымальнік. Атрымальнікам можа з’яўляцца любая асоба. У такім выпадку яе прозвішча ў абавязковым парадку павінна быць указана ў бланку дастаўкі пры падачы дакументаў на афармленне візы, а таксама адлюстроўвацца ў накладной.

• Плацельшчык. Плацельшчыкам з’яўляецца асоба, якая падавала дакументы на візу і аплачвала зборы. Прозвішча плацельшчыка ў абавязковым парадку павінна быць вызначана ў накладной.

Звярніцеся ў візавы цэнтр па наступным адрасе:

Рэспубліка Беларусь, г. Мінск, вул. Кальварыйская, д. 42

Звяртаем Вашу ўвагу, што для падачы дакументаў у візавым цэнтры неабходна папярэдне запісацца па нумары +375 17 3887555.

ПРАВІЛЫ БЯСПЕКІ ПРЫ НАВЕДВАННІ ВІЗАВАГА ЦЭНТРА

З мэтай забеспячэння бяспекі пры наведванні Візавага цэнтра забаронена мець пры сабе наступныя прадметы:

• Любыя віды агнястрэльнай, траўматычнай і пнеўматычнай зброі;
• Электрашокеры, газавыя балончыкі і іншыя сродкі самаабароны;
• Халодная зброя, колюча-рэжучыя прадметы, у тым ліку побытавага прызначэння;
• Выбуховыя, выбуханебяспечныя і лёгкаўзгаральныя рэчывы, піратэхніка;
• Ядавiтыя, атрутныя і таксічныя рэчывы;
• Запячатаныя канверты, пасылкі, іншыя ўпакоўкі, якія выключаюць магчымасць візуальнага ўстанаўлення змесціва;
• Буйнагабарытныя валізкі, торбы;
• Алкаголь.

Дзеля бяспекі персанальных дадзеных забараняецца выкарыстанне мабільных тэлефонаў, ноўтбукаў, партатыўных плэераў, электронных кніг, фота і відэа апаратуры і іншых аўтаномных электронных прылад, а таксама электронных носьбітаў інфармацыі. Пры наяўнасці названых прылад пры наведванні Візавага Цэнтра яны павінны быць выключаныя.

У Візавым Цэнтры няма камеры захоўвання асабістых рэчаў наведвальнікаў, у сувязі з гэтым Візавы Цэнтр не нясе адказнасці за іх захаванне. Просім Вас самастойна і своечасова паклапаціцца пра месца захоўвання рэчаў і прадметаў, пры наяўнасці якіх наведванне Візавага Цэнтра забараняецца.

З мэтай забеспячэння бяспекі ў Візавым цэнтры вядзецца відэаназіранне.